Almatydaǵy taýda adasyp ketken alty aǵylshyn qutqaryldy
ALMATY. QazAqparat - Almatydaǵy taýda qaıtar jolyn taba almaı qalǵan alty aǵylshyn qutqaryldy, dep habarlaıdy QazAqparat QR ІІM TJK-ǵa silteme jasap otyryp.
Búgin Almatynyń Medeý aýdanyndaǵy Býtakovka shatqalynda alty sheteldik izdestirildi. Olardyń úsheýi bala bolǵan. Operatsııany TJK-nyń respýblıkalyq jedel-qutqarý otrıadynyń kúshteri júrgizdi. Jasaq quramynda eki kólikke mingen RJQO-nyń 7 qutqarýshysy, ıisshil ıt, Qutqarý qyzmetiniń 4 mamany boldy.
Ulybrıtanııa azamattary taýdan túsip kele jatqanda, saǵat 18:55-te adasyp ketken. Saǵat 20.34-te týrıster tabylyp, óz kólikterine deıin jetkizildi.
Olardyń barlyǵynyń jaǵdaıy jaqsy, medıtsınalyq kómekkke muqtaj bolmaǵan.
