Almatydaǵy taý baýraıynda salynǵan úılerge saraptama júrgiziledi
Turǵynyń aıtýynsha, 2019 jyldyń sońynda ornatylǵan qurylym endi topyraq kóshkinine bóget bola almaıdy. Kanalızatsııa men sý qubyry isten shyǵa bastady. Almaty qalasy ákiminiń orynbasary Asqar Ámrın atalǵan jerge turǵyndarmen birge baryp, aýmaqty aralyp shyqqandaryn aıtty.
«Ýchaskede mezgil-mezgil isten shyǵatyn káriz júıesi zańsyz ornatylǵan. Búgingi kúni táýelsiz saraptama júrgizildi, bul gabıon qurylymy durys ornatylǵanyn jáne qurylys erejesi men normaǵa tolyq sáıkes keletinin kórsetedi. Tótenshe jaǵdaılar departamentimen birlese otyryp, kóktemde memleket qarajaty esebinen qosymsha saraptama júrgizip, sodan keıin sheshim qabyldanatyn boldy», - dedi ol.
Almaty qalasy Tótenshe jaǵdaılar departamenti basshysynyń mindetin ýaqytsha atqarýshy Erlan Álibekov táýelsiz saraptama júrgizilgenin atap ótti. Mamandardyń baǵalaýynsha, gabıondardyń jaǵdaıy qanaǵattanarlyq.
Qala ákimi Erbolat Dosaev ákimdik deńgeıinde qosymsha saraptama júrgiziletinin qosty. Qorytyndysy boıynsha sheshim qabyldanady.
«Qajet bolsa aqsha bólip, qajetti jumystardy júrgizemiz. Bul rette saraptama qazirgi jaǵdaıynyń bir sebebi káriz júıesi ekeni anyqtasa, ol boıynsha tıisti sheshim qabyldanady», - dedi ákim.
