Almatydaǵy tártipsizdikter: Prokýratýra qyzmetkerleriniń evakýatsııalanýy, órt sóndirýshilerdiń erligi
- Rýslan Búrkitbaıuly, ózderińiz biletindeı, biz Almatydaǵy qaıǵyly oqıǵalardyń kýási boldyq. Áleýmettik jelilerde qalanyń ákimshilik ǵımarattaryna shabýyl jasaý týraly, sondaı-aq sizdiń aýmaqtyq organ qyzmetkerlerińiz kepilge alynǵany týraly vıdeo taratyldy. Shyn máninde oqıǵanyń qalaı bolǵanyn aıtyp berseńiz?
Bıylǵy 5 qańtarda Almaty qalasynda bolǵan qaıǵyly oqıǵalar barysynda memlekettik mekemeler men bıznes obektilerine jappaı shabýyl jasaldy.
Osy kúni jalpy sany 2 myńǵa jýyq adamnan, basym kópshiligi ártúrli jastaǵy er adamdardan turatyn adamdar toby Masanchı kóshesinen shyǵys baǵytta Bógenbaı batyr kóshesimen júrip kele jatty. Bul adamdar polıtsııa qyzmetkerleriniń qatarlaryn agressıvti túrde basa otyryp, kóshede uıymdasyp júrdi dep aıta alamyz.
Saǵat 13.30 shamasynda osy adamdardyń nazary Bógenbaı batyr kóshesi, 145 mekenjaıynda ornalasqan QR Bas prokýratýrasy Quqyqtyq statıstıka jáne arnaıy esepke alý jónindegi komıtetiniń Almaty qalasy boıynsha basqarmasynyń ǵımaratyna aýdy.
Bizdiń barlyq qyzmetkerlerimiz, ıaǵnı 61 adam jumys oryndarynda boldy. Shıelenisti jaǵdaıǵa baılanysty ol ýaqytqa deıin ǵımaratqa kirý joly buǵattalǵan edi.
Shabýyldaýshylardyń bir bóligi jalpy toptan bólinip, armatýranyń metall shybyqtarymen, taıaqtarmen, kespe tastarmen jáne ǵımarattyń syrtqy abattandyrýyna arnalǵan ózge de elementtermen qarýlanyp, nysandy qırata bastady. Tereze áınekterin syndyrdy, esikterdi buzdy.
Kireberistegi toptan ótip kete alǵan shabýyldaýshylar ǵımaratqa, keıin qyzmettik kabınetterge kirip, jıhaz ben uıymdastyrý tehnıkasyn buza bastady. Sonymen birge búlikshiler qyzmetkerlerdiń jeke múlkin de, basqarmanyń qyzmettik múlkin de ıemdendi.
Sonymen qatar, shabýyl jasaýshylardyń taǵy bir toby turaq aýmaǵynyń temir qaqpasyn buzyp, qyzmetkerlerdiń qyzmettik jáne jeke avtokólikterin qırata bastady. Avtokólikterdiń shynylaryn, áınekterin, kýzovyn syndyrdy. Jalpy 27 avtokólik zaqymdaldy.
Shamamen 14 saǵat 00 mınýtta shabýyldaýshylar ákimshilik ǵımaratty órtep jiberdi. Bul rette, búlikshiler ǵımaratta adamdar qalǵanyn bildi dep oılaımyn.
- Qyzmetkerlerdi evakýatsııalaý qalaı ótti?
Órt týraly dabylǵa jedel túrde eki órt sóndirý toby kelip, jalyndy aýyzdyqtaýǵa jáne basqarma qyzmetkerlerin evakýatsııalaýǵa kiristi.
Tómengi qabat janyp ketti, joǵarǵy qabattarda aýqymdy tútin boldy. Qyzmetkerler órt satylarymen terezeler arqyly evakýatsııalandy.
Qyzmetkerler janyp jatqan nysannan evakýatsııalanǵannan keıin, QR UQK-niń Shekara qyzmetiniń kórshi ǵımaratyna kóshirildi.
Osy ýaqyt ishinde Komıtet basshylyǵy basqarmamen baılanysta bolyp, áreketterdi úılestirdi. Almaty qalasynyń prokýratýrasymen, quqyq qorǵaý jáne órtke qarsy qyzmet organdarymen jergilikti jáne respýblıkalyq deńgeıde jedel ózara is-qımyl júzege asyryldy.
Shıelenisken jaǵdaıǵa baılanysty, qyzmetkerlerdiń qaýipsizdigin qamtamasyz etý maqsatynda olarǵa turǵylyqty jeri boıynsha ketý tapsyryldy. Qyzmetkerler arasynda qatty zardap shekkender joq.
- Áleýmettik jelilerde jalynmen kúresken órt sóndirýshilerge jasalǵan shabýyl týraly vıdeo jarııalandy. Osy jaǵdaı týraly aıtyp berseńiz.
Evakýatsııadan keıin órt sóndirýshiler órtti sóndirýge kiristi. Qyzmetkerlerdiń bir bóligi avtokólikpen aýmaqtan shyǵa bastady, 4 qyzmetker, basqarma basshylyǵyn qosa alǵanda, ǵımaratqa keltirilgen zaqymdardy tekserý jáne aqparattyq júıelerdiń jumys isteý jaǵdaıyn tekserý úshin kirdi.
Osy kezde búlikshilerdiń bir toby basqarma ǵımaratyna qaıta kelip, jalynmen kúresip jatqan órt sóndirýshilerge shabýyl jasady. Sondaı-aq jınalǵandar bizdiń qyzmetkerlerimizge qaraı umtyldy.
San jaǵynan shabýyldaýshylardyń basymdyǵy boldy, barlyǵy agressıvti jáne qatygezdik tanytty. Osyǵan baılanysty órtke qarsy qyzmet qyzmetkerleri janyp jatqan ǵımaratqa tyǵylýǵa májbúr boldy.
Jappaı tártipsizdikke qatysýshylar taǵy da avtokólik pen ǵımaratty, sondaı-aq ǵımarat ishindegi kabınetter men jabdyqtardy qırata bastady. Órt sóndirý avtokólikteriniń birin shabýyldaýshylar urlap, ekinshisin búldirip, odan arnaıy jabdyq pen órt sóndirý quraldaryn urlap ketti.
Jaǵdaıǵa qaramastan, óz mindetterin laıyqty oryndaǵan órt sóndirýshilerdiń qaısarlyǵyn atap ótkim keledi.
Eger olar bolmasa, bizdiń qyzmetkerlerimizdiń densaýlyǵy men ómirine tıgizetin zardaptary aýyr bolar edi.
Osy sátti paıdalana otyryp, Komıtet qyzmetkerleriniń atynan órt sóndirýshilerge úlken alǵysymdy bildirgim keledi.
- Shabýyldaýshylardyń áreketterin qalaı baǵalar edińiz? Olar prokýratýra organdaryna ádeıi jiberildi dep oılaısyz ba?
Bizdiń basqarmanyń ǵımaraty shabýyl men tonaýǵa ushyraǵan kóptegen bıznes nysandary men memlekettik organdardyń biri boldy.
Olardyń is-áreketiniń maqsaty barlyq bılik organdarynyń, memlekettik mekemelerdiń qyzmetin turaqsyzdandyrý, halyqty qorqytý boldy dep oılaımyn.
Bul halyqty qorqytý úshin terrorıstik áreketter boldy dep aıtýǵa bolady, óıtkeni zorlyq-zombylyq pen agressııa qoldanyldy.
Shabýyldaýshylardyń áreketteri ádeıi jasaldy. Olar prokýratýra organdarynyń ǵımaratyna kirip jatqanyn biletin. Sonymen qatar, osydan buryn aıtqanymdaı, shabýyldaýshylar ǵımaratta adamdar bar ekenin bildi jáne ony sonda da órtep jiberdi. ıAǵnı, olar kóptegen qurbandardyń aldynda toqtamas edi.
Sonymen qatar, basqarma qyzmetkerleri, olardyń jartysy áıel adamdar qıyn jaǵdaıda ózderin laıyqty ustady. Jaǵdaıǵa qaramastan, Almaty qalasynda da, elimizdiń basqa óńirlerinde de quqyqtyq tártip organdarynyń qyzmetine qajetti aqparattyq júıelerdiń jumys qabilettiligi qamtamasyz etildi.
Bolǵan oqıǵanyń barlyq mán-jaılary sotqa deıingi tergep-tekserý barysynda anyqtalyp, baǵalanatyn bolady.
- Keltirilgen zalaldyń somasy belgili me?
Táýelsiz uıymnyń aldyn ala esepteýleri boıynsha keltirilgen shyǵyn somasy shamamen 700 mln teńgeni qurady. Negizinen ǵımarat jáne basqa múlik zaqymdaldy.
Osyǵan qaramastan, basqarmanyń jeke quramy shtattyq rejımde jumys isteıdi jáne óz ókilettikteri sheńberinde barlyq múddeli memlekettik organdardyń jumysyn da, halyqqa memlekettik qyzmetter kórsetýdi de qamtamasyz etedi.
Qazirgi ýaqytta basqarma Almaty qalasy prokýratýrasynyń ǵımaratynda ornalastyryldy. Basqarma ǵımaratynda jóndeý-qalpyna keltirý jumystary bastaldy.
