Almatydaǵy tártipsizdik: «Qazaqstan» arnasynyń keńsesindegi «Altyn qor» qoımasy órtendi

NUR-SULTAN. QazAqparat – Qazaqstan teleradıokorporatsııasynyń baspasóz qyzmeti Almatydaǵy tártipsizdik kezinde «Qazaqstan» ulttyq telearnasynyń ǵımaraty qalaı zardap shekkeni týraly málimet berdi, dep habarlaıdy QazAqparat tilshisi.

«Búgin Almatyda shabýylǵa shyqqan belgisiz top (terrorıstik kúshter) «Qazaqstan» Ulttyq telearnasynyń qalalyq fılıal ǵımaratyna órt qoıdy. Kameralar tonalyp, «Altyn qor» qoımasy men serverler bólmesi órtenip ketti. Shabýylshylar jaqynda televızııa qaıratkerlerine (Kenjebolat Shalabaev, Kamal Smaıylov, Saǵat Áshimbaev, Sherhan Murtaza) qoıylǵan eskertkishterdi tolyqtaı qıratqan», - delingen baspasóz qyzmeti taratqan

Teleradıokorporatsııa aqparaty boıynsha, qazir ǵımaratta órt sóndirý jumystary júrip jatyr.

«Oqıǵa kezinde keńsede bolǵan zańger jeńil dene jaraqatyn aldy. Qazir arnaıy qyzmet órtti sóndirýde. «Qazaqstan teleradıokorporatsııasy ózge áriptesteri men barsha qazaqstandyqtardy saq bolýǵa shaqyrady», - dep habarlady teleradıokorpatsııanyń baspasóz qyzmeti.