Almatydaǵy taǵy bir zańsyz nysan buzyldy

ALMATY. QazAqparat – Almatynyń «Juldyz» yqshamaýdanynda ornalasqan «Vostochka» dámhanasyna zańsyz qosalqy qurylys júrgizildi, dep habarlaıdy QazAqparat tilshisi.

«Buǵan deıin Basqarma turǵynnyń ótinishi boıynsha turǵyn úıge qosymsha qurylystyń zańdylyǵyna jospardan tys tekserý júrgizgen bolatyn. Tekserý nátıjeleri boıynsha qosymsha tıisti ruqsat qujattarynsyz turǵyzylǵany anyqtaldy, budan basqa zańsyz nysan memlekettik qordyń aýmaǵynda ornalasqan»,- dep habarlady qalalyq ákimdikten.
Basqarma menshik ıesine qatysty QR ÁQBtK-niń 319, 323-baby boıynsha materıaldardy Almaty qalasynyń ákimshilik quqyq buzýshylyqtar jónindegi mamandandyrylǵan aýdanaralyq sotyna jibere otyryp, sharalar qabyldady.

Búginde zańsyz keńeıtý sottyń sheshimimen buzylyp, jaıaý júrginshiler ınfraqurylymyn bosatty.
Buǵan deıin Almatyda sot sheshimi boıynsha zańsyz salynǵan kólik jýý nysany súrilgen bolatyn.