Almatydaǵy syrahanalardyń birinde pyshaqpen áıelge qaraqshylyq shabýyl jasaǵan qylmysker ustaldy

Bul týraly búgin QR ІІM-de ótken brıfıng barysynda vedomstvonyń Memlekettik til saıasaty jáne aqparat departamenti bastyǵynyń orynbasary Qalamqas Temirova málim etti.

«Sáýir aıynyń ortasynda 33 jastaǵy jábirlenýshi Almatynyń shaǵyn aýdandarynyń birindegi syrahanada bolǵanda, qasyna beıtanys adam otyryp, pyshaqpen qorqytyp, altyn buıymdary men 145 myń teńgesi bar sómkesin jymqyryp ketkeni týraly aqparat túsken bolatyn. Jedel-izdestirý is-sharalar keshenin júrgizýdiń nátıjesinde Almaty oblysy Eńbekshi aýylynyń qylmysty qasaqana jasaǵan 31 jastaǵy turǵyny ustaldy», - deıdi Q. Temirova.

Onyń aıtýynsha, aıǵaq zattar jartylaı alyndy.

Kúdikti ýaqytsha ustaý abaqtysyna qamaldy. Aldyn-ala tergeý amaldary júrgizilýde.