Almatydaǵy Stýdentter saraıynda Quran Kárimdi mánerlep oqýdan baıqaý qorytyndysy shyǵarylyp, rýhanı kesh ótedi
ASTANA. 27 qazan. QazAqparat - Qazaqstan musylmandary dinı basqarmasy qasıetti Quran Kárimdi mánerlep jáne jatqa oqýdan baıqaý uıymdastyrǵany belgili. Qarılar arasynda ótken jarystyń qorytyndysy Almatydaǵy Stýdentter saraıynda jarııalanady, dep habarlady www.muftyat.kz saıty.
Rýhanı keshte júzden júırik shyqqandar aqshalaı, baǵaly syılyqtarmen jáne alǵys hattarmen marapattalady. Igi sharaǵa Bas múftı Erjan qajy Malǵajyuly bastaǵan QMDB qyzmetkerleri, zııaly qaýym ókilderi, aqyn-jazýshylar, jýrnalıster qaýymy qatysady.
Keshte terme-tolǵaýlar oryndalyp, án-kúı shyrqalady. Sonymen qatar kásibı akterlerdiń qatysýymen qoıylatyn sahnalyq kórinisti, Qurannyń hıkmeti jaıly beınerolıkti tamashalaı alasyzdar.
Júldegerlerdi saltanatty marapattaý rásimi ári rýhanı keshi Almatydaǵy Stýdentter saraıynda 2013 jyldyń 28 qazan (dúısenbi) kúni saǵat 11:00-de bastalady. Kirý bıleti tegin, bıletti Almaty qalasy Ortalyq meshitinen alýǵa bolady.
