Almatydaǵy stomatologııalarda birqatar zańbuzýshylyq anyqtaldy
2018 jyly qoǵamdyq densaýlyqty baqylaý qyzmeti 23 stomatologııalyq emhanany teksergen bolatyn. Olardyń 20-synda sanıtarlyq-epıdemıologııalyq talaptar buzylǵany anyqtaldy.
Onyń ishinde medıtsınalyq qoqysty joıý, medıtsınalyq jeke kitapshalardy toltyrǵandaǵy zańbuzýshylyqtar, kabınetterdi qajetti quraldarmen jabdyqtaý jolǵa qoıylmaǵan.
Sondaı-aq, bólmelerdi ylǵaldy tazalaý, aýany zararsyzdandyrý júrgizilmegen.
«Byltyr odontogendi asqyný týraly 12 shuǵyl habarlama kelgen. «Elıt-Kosmetık-Dent» JShS tekserý kezinde sanıtarlyq talaptardyń buzylǵany anyqtaldy. Atap aıtqanda, sterılızatsııa rejımi saqtalmaǵan. Medbıkeniń gepatıtke qarsy markeri tapsyrylmaǵan. Medıtsınalyq qaldyqtar durys joıylmaǵan. Sonymen qatar terapııalyq kabınette aýadan zeńdi sańyraýqulaq tabyldy», - dedi qalalyq Qoǵamdyq densaýlyqty saqtaý departamentiniń baspasóz qyzmeti.
Byltyr stomatologııalyq emhanalardaǵy qyzmet sapasyna 6 shaǵym túsken. Olardyń biri boıynsha «Almaty ortalyq stomatologııalyq emhanasy» JShS júrgizilgen tekserýlerge baılanysty aıyppul salyndy.
«Ekodent» JK ıesine qatysty sot protsesiniń bastalǵanyna baılanysty bir shaǵym esepten alyndy, «Clinic Dr.Vovk» JK keltirilgen shaǵym negizsiz dep tanyldy.
