Almatydaǵy sport keshi: Aýyr salmaqtaǵy boksshylar rıngke shyqty
ALMATY. QazAqparat - Dál qazirgi sátte «Almaty arena» sport kesheni dala rýhynan qýat alǵan dese bolady.
Qazaqstan boksshylarynyń jeńisteri 12 myń oryndyq sport keshenin shabyttandyryp jiberdi. Osy sátte rıngte salmaq ólsheý rásiminde 99 kelini kórsetken otandasymyz Rýslan Myrsataev pen ganalyq Nýhý Azýmımen (103 keli) shyqty. Olarǵa 6 raýnd berilip otyr, dep habarlaıdy QazAqparat tilshisi.
Eske sala keteıik, búgin Almatyda Qanat Islam men Patrık Alloteıdiń jekpe-jegine oraı aýqymdy sport keshi ótip jatyr.
Onda otandyq boksshymyz Qanat Islam sharshy alańda ganalyq Patrık Alloteımen kezdesip, WBA (Interim) tujyrymy boıynsha álem chempıony ataǵy úshin kúsh synasatyn bolady.
Birinshi orta salmaqta «WBA Fedelatin» ataǵyna ıe Qanat Islam osy ýaqytqa deıin 21 kezdesý ótkizip, barlyǵynda jeńiske jetken. Onyń 18-in nokaýtpen utqan.
Patrık Alloteı osyǵan deıin kásipqoı sharshy alańda 36 jekpe-jek ótkizgen. Onyń 34-inde qarsylastarynan basym túsken. Onyń 24-de qarsylastaryn nokaýtpen utsa, 2 jekpe-jeginde ǵana qarsylastaryna ese jibergen. Cońǵy ret 24 maýsym kúni sharshy alańǵa shyǵyp, otandasy Sanı Idanany jeńgen. Jekpe-jekteriniń barlyǵyn derlik Ganada ótkizgen. Úsh kezdesýi ǵana ózge elde ótken. Kásipqoı boksta «Ýly jebe» degen laqap atqa ıe.
