Almatydaǵy shıpajaıda iri órt oqıǵasy tirkeldi
ASTANA. QazAqparat - «Almaty» shıpajaıynda órt boldy, dep habarlaıdy «QazAqparat» qalalyq Tótenshe jaǵdaılar qyzmetine silteme jasap.
Qalalyq Tótenshe jaǵdaılar departamentiniń ókili Sandýǵash Baımuhambetovanyń aıtýynsha, Qarǵaly shaǵyn aýdanynda órt shyqqandyǵy týraly habar saǵat 20-21-de túsken.
Oqıǵa ornyna órtten saqtandyrý qyzmetiniń ókilderi kelgenshe, saýnanyń shatyry janyp, jalyn janyndaǵy dámhanaǵa ótip ketken. Órt 21 saǵat 43 mınýtta aýyzdyqtalyp, saǵat 22-01-de sóndirildi.
Jalyn sharpyǵan aımaq 250 sharshy metrdi qurady. Qurban bolǵandar men zardap shekkender joq. Órttiń aýyzdyqtaý jumystaryna jeke quramnan 51 adam qatysqan jáne 12 órt sóndirý tehnıkasy jumyldyrylǵan. Buǵan qosa, qalalyq TJQ-niń málimetteri boıynsha, saǵat 22-19-da Gogol kóshesinen tómenirek ornalasqan Panfılov kóshesindegi turǵyn úıdiń shatyry órtengendigi týraly habar túsken.
«Alǵashqy órt sóndirýshi kólikter oqıǵa ornyna 5 mınýttan soń-aq kelgen. Órt sóndirýshiler tilsiz jaýdy aýyzdyqtaýmen aılanysyp, 30 adam qaýipssiz aýmaqqa kóshirilgen. Qosymsha aqparattar keshirek bolady»,-dedi Baımuhambetova.
