Almatydaǵy Shevchenko kóshesinde jańa tosqaýyldar paıda boldy
ALMATY. QazAqparat - Almatyda velojolaqtardy qorshaý boıynsha Eýropa qalalarynyń tájirıbesi qoldanylyp jatyr, dep habarlaıdy QazAqparat tilshisi.
Bir baǵytty Shevchenko kóshesiniń shetindegi velosıped jolaǵyn qorshaý úshin jańa arnaıy shektegishter qoıyldy. Olar jaryqty qaıtaratyn elementtermen jabdyqtalǵan. Jańa shektegishter júrgizýshilerdiń jol belgileriniń talaptaryn oryndaýyna kómektesedi.
Tosqaýyldar qıylystardyń mańyna qoıyldy, óıtkeni osy jerlerde jol erejesin buzý faktileri jıi tirkeledi.
Tamyz aıynda tártip saqshylary Shevchenko kóshesinde reıd ótkizgen bolatyn. 14 tamyzdyń ózinde-aq 15:00-den 00:00-ge sheıin bes «Boran» ekıpajy jol erejesin buzýdyń 47 deregin anyqtady.
Tártip buzýdyń eń kóp túri - kólik quraldarynyń toqtaý nemese toqtap turý erejesiniń buzylýy (21) jáne jol belgileriniń nemese jol syzyqtarynyń talaptaryn oryndamaý (24) ekendigi anyqtaldy.
Bir tósemdegi avtojol men velosıped jolaǵyn bólý úshin qoldanylatyn tosqaýyldar Eýropanyń iri qalalarynda, atap aıtqanda, Barselonada keń taraǵan.
