Almatydaǵy shekteýler 20-21 maýsymnan keıin sozyla ma - Jandarbek Bekshın
ALMATY. QazAqparat – Almatyda ótken onlaın brıfıng barysynda 20-21 maýsymdaǵy shekteý sharalaryn qaı jaǵdaıda odan ári jalǵasatyny aıtyldy, dep habarlaıdy QazAqparat tilshisi.
«Biz bul ahýaldy jiti baqylap otyrmyz. Eger aýrý kórsetkishi táýligine 7 %–ten asatyn bolsa karantın sharalary odan ári jalǵasatyn bolady», - dedi qalanyń bas sanıtarlyq dárigeri Jandarbek Bekshın.
Onyń aıtýynsha, qazir qalada sońǵy 10 kúnde aýrý kórsetkishi 5% bolyp tur. Qala bıligi osy kórsetkishti 1%-ke deıin tómendetýdi maqsat tutyp otyr.
«Alaıda barlyq qaýip - sımptomsyz naýqastardyń ósýinde. Sonymen qatar, qaladaǵy tósek oryndardyń 95 paıyzy tolyp otyr. ıAǵnı kóbeıgen jaǵdaıda aýrýhanada oryndar jetispeýi múmkin», - dedi J.Bekshın.
Aıta ketý kerek, búgin QR Premer-Mınıstri Asqar Mamınniń tóraǵalyǵymen QR aýmaǵynda koronavırýs ınfektsııasynyń taralýyna jol bermeý jónindegi vedomstvoaralyq komıssııanyń (VAK) selektorlyq otyrysy ótkenin jazǵan edik. Onda QR Prezıdenti Qasym-Jomart Toqaevtyń tapsyrmasyna sáıkes Qazaqstandaǵy epıdemıologııalyq jaǵdaıdy turaqtandyrý boıynsha qosymsha sharalar qaraldy.
Osyǵan baılanysty qala ákimi karantın sharalary týraly málimdeme jasaǵan edi.
