Almatydaǵy shekara qyzmeti akademııasynyń polıgonynda oryn alǵan jarylystan tórt kýrsant jaraqat aldy
ALMATY. 14 qazan. QazAqparat /Ádilet Musahaev/ - Elimizdiń UQK Shekara qyzmeti Akademııasynyń jattyǵý ortalyǵyndaǵy polıgonda snarıadtyń ózdiginen otalýynan jarylys bolyp, nátıjesinde tórt kýrsant jaraqat aldy.
Atalǵan oqý orynnyń baspasóz hatshysy Nurlan Ýájanovtyń aıtýynsha, bul oqıǵa qazannyń 10-y kúni saǵat 13:00 AGS-17 granatometynan atý tájirıbelik jumystary kezinde oryn alǵan. Snarıad synyqtarynan jaraqat alǵan tórt áskerı qyzmetker áskerı gospıtalǵa jetkizilgen, sonda alǵashqy kómek kórsetilgen. Olardyń densaýlyǵy qazir qalypty jaǵdaıda.
Osy oqıǵaǵa oraı UQK-niń Almaty garnızonynda tergeý jumystary bastaldy.
