Almatydaǵy shańǵymen tuǵyrdan sekirý boıynsha Álem Kýbogynyń jazǵy kezeńine 13 elden 70-ten astam sportshy qatysady
ALMATY. QazAqparat- Almatyda ústimizdegi jyldyń 12-13-shi qyrkúıegi aralyǵynda Halyqaralyq «Suńqar» shańǵy tramplınderi kesheninde erler men áıelder arasynda shańǵymen tuǵyrdan sekirý boıynsha Álem Kýbogynyń FIS Grand Prix atty jazǵy kezeńi ótedi.
Oǵan 13 elden 70-ten astam sportshy qatysady. Bul týraly búgin bolǵan baspasóz máslıhatynda jarııa etildi.
«Bul jarys 2017 jyly Almatyda ótetin 28-shi Búkilálemdik qysqy Ýnıversıada qarsańyndaǵy testilik týrnır bolyp tabylady. ıAǵnı, barlyq sport nysandaryn synaqtan ótkizip alýymyz kerek. Bolashaqta taǵy da osyndaı toǵyz sporttyq shara ótkizemiz. Olar FISU deńgeıinde bekitilgen. Al bul jarysqa barlyǵy 127 volonter tartyldy», - dedi óz sózinde «Almaty q. Halyqaralyq sport jobalary dırektsııasy» Memlekettik qorynyń jetekshisi Ilıa Orazaqov.
QR Shańǵymen tuǵyrdan sekirý boıynsha federatsııasynyń prezıdenti Andreı Varveıkınniń aıtýynsha, jazǵy kezeńge kelgen sportshylar óte kóp.
«Bıyl tuńǵysh ret Almatyda ótetin kezeńge Avstrııa qurama komandasy qatysady. Bul, báseke deńgeıiniń joǵary ekendigin bildiredi. Jalpy, jarysqa 10 erler, 10 áıelder komandasy qatysady. Barlyǵy 13 elden 75 sportshy kelip otyr. Qazaqstannyń atynan úsh sportshy qatysady. Biz úzdk otyzdyqqa enemiz degen úmittemiz», - dedi A. Varveıkın.
Sonymen qatar, uıymdastyrýshylardyń aıtýynsha, jarys aıasynda úzilis kezderinde kórermender arasynda ár túrli baıqaýlar uıymdastyrylady. Jeńimpazdarǵa baǵaly syılyqtar tabys etiledi.
Budan ózge, otandyq estrada juldyzdarynyń kontserti bolady dep kútilýde.
Erteń, kúndizgi saǵat 13:00-de týrnırdiń saltanatty túrde ashylý rásimi ótedi.
Týrnırdiń basty uıymdastyrýshylary - Halyqaralyq shańǵy sporty federatsııasy, Qazaqstannyń shańǵymen tuǵyrdan sekirý jáne shańǵy qossaıysy federatsııasy jáne «Almaty qalasynyń halyqaralyq sport jobalary dırektsııasy» Memlekettik qory.
