Almatydaǵy shańǵy tramplıniniń qurylysy aıaqtalýǵa jaqyn
ALMATY. Tamyzdyń 5-i. QazAqparat /Erbol Azanbek/ - Almaty ákimi Ahmetjan Esimov osynda salynyp jatqan shańǵy tramplıni kesheninde bolyp, qurylys jumystarymen tanysty,
dep habarlaıdy qala ákiminiń baspasóz qyzmeti.
Azııa oıyndarynda tuǵyrdan shańǵymen sekirý synaǵynyń ortalyǵy bolatyn keshende K-125, K-95 tramplınderiniń temir ustynyn qurastyrý aıaqtalyp, jyldamdyq alýshy jabyndary tóselip bolǵan. Qazirgi kezde órtke jáne metall qańqany korrozııaǵa qarsy bekitý jumystary júrgizilip jatyr. Sondaı-aq ishki alańda ınjenerlik jáne basqa da júıeler aıaqtalýǵa taıaý. Bunymen qatar keshendegi kórermender alańy men medıa ortalyqta árleý jumystary jasalýda. Qazirgi kezde negizgi ǵımarat pen kórermender alańyn áınekteý, minberlerde oryndyqtar ornalastyrý aıaqtalýǵa taıaý. Qurylys jumystary kúzde aıaqtalyp, test synaqtary jasalatyn bolady. Qala ákimi qurylysty júrgizýshilerge tramplınniń batys betkeıindegi jartasty bekitý men kógaldandyrý jumystaryn durys júzege asyrýdy júktedi. Halyqaralyq jarystar ótetin shańǵy tramplıni kesheniniń jalpy quny 38,2 mıllıard teńgeni quraıdy.
