Almatydaǵy shaǵynaýdanda qalyńdyǵy nebári 6-7 sm asfalt tóselgen – jemqorlyqpen kúres
«Biz turǵyndar tarapynan kóp shaǵym túsken jerlerdi tekseremiz. Biz Sybaılas jemqorlyqpen kúres qyzmetimen birlesip, 283 zańbuzýshylyqty anyqtadyq, endi bul olqylyqtardyń ornyn toltyramyz», - dedi Preventsııa departamentiniń basshysy Láıla Iyldyz.
Elimizdegi birqatar joldyń sapasy tekserilgen.
«Túrkistan oblysy, Sozaq aýdanynda keshendi monıtorıng júrgizildi. Barlyq ýchaskeler qajetti sapa deńgeıinde bolǵan joq. Shymkent qalasynda A-2 avtojoly jáne Temirlan tasjolynyń qıylysyndaǵy kólik aıyryǵynyń oń jaǵyn paıdalaný boıynsha monıtorıng júrgizildi. Almaty qalasynda Şańyraq-2 shaǵynaýdanynda joba belgilengen sapa standarttaryna sáıkes kelmeıtini anyqtaldy. Tóselgen asfalttyń qalyńdyǵy 6-7 sm ǵana boldy. Taldyqorǵan qalasynyń kóshelerindegi jóndeý jumystarynyń sapasy tekserildi», - deıdi «Sapaly jol» jobalyq keńsesiniń ákimshisi Syrym Elýbaev.
Onyń aıtýynsha, joǵaryda aıtylǵan olqylyqtardyń orny toltyrylyp, qalypqa keltirildi.
«Sapaly jol» jobasy jemqorlyq týraly eskertýge jáne osy salany qoǵamdyq baqylaýmen qamtamasyz etýge baǵyttalǵan. Biz saraptama jasaýmen de aınalysamyz. Bolashaqta Sybaılas jemqorlyqpen kúres qyzmetimen birge birqatar bastamany júzege asyrmaqpyz. Sonyń ishinde halyqaralyq standarttardy eskere otyryp normatıvti tehnıkalyq baza jasaý. «Sapaly jol» jobasy boıynsha konstrýktıvti usynystaryńyz bolsa aıtyńyzdar. Sybaılas jemqorlyqpen baılanysty aqparat bolsa 1424 nómirine habarlasyp aıtsańyz bolady», - dedi ol.