Almatydaǵy Seıfýllın kóshesinde jol qozǵalysy shekteledi
ALMATY. QazAqparat - Almatyda Seıfýllın kóshesiniń Jibek joly kóshesinen Raıymbek dańǵylyna deıingi bóliginde jol qozǵalysy shekteledi. Ýaqytsha qıyndyqtar atalǵan ýchaskedegi jylý qubyrlaryn jańǵyrtýmen tyǵyz baılanysty. Bul týraly qalalyq Energetıka jáne kommýnaldyq sharýashylyq basqarmasynan habarlady.
«2014 jyldyń 15 maýsymynda M-1 jylý magıstralin qaıta qurý úshin qurylys-montaj jumystaryn júrgizý josparlanǵan. Atalǵan ýchaskede uzyndyǵy 940 metr, dıametri 1020 mm bolatyn qubyr jańartylady. Seıfýllın kóshesinde jol qozǵalysy shekteledi. Qurylys jumystarynyń júrýine baılanysty 25 maýsymnan 1 qyrkúıekke deıin Seıfýllın kóshesiniń boıyna ornalasqan úılerde ystyq sý ýaqytsha berilmeýi múmkin», - delingen habarlamada. Mamandardyń aıtýynsha, 1986 jyly paıdalanýǵa berilgen ýchaskede qubyrlar júıesi eskirgen. Esterińizge sala keteıik, qalalyq Energetıka jáne kommýnaldyq sharýashylyq basqarmasy Almatyda jylý qubyrlaryn jańǵyrtý bastalǵany týraly habarlaǵan edi. Soǵan baılanysty 9 ýchaskede ystyq sýmen qamtýda úzilis bolyp, jol qozǵalysy qıyndamaq. Jańǵyrtý jumystary 2014 jyldyń 1 qyrkúıegine deıin aıaqtalady dep josparlanýda.
«Atap aıtqanda, Mámetov-Panfılov-Ýálıhanov kósheleriniń, Otyrar-Saın-Tóle bı kósheleriniń, Qurmanǵazy-Chaıkovskıı-Ýálıhanov kósheleriniń, Toraıǵyrov-Saın-Naýaı kósheleriniń, Ál-Farabı-Markov kósheleriniń qıylysyndaǵy, Raıymbek-Seıfýllın-Jibek Joly kósheleriniń, Qajymuqan-Baıjanov kósheleriniń, ýl. Chaıkovskıı-Mámetov kósheleriniń, Mámetov-Panfılov-Maqataev kósheleriniń túıisken jerinde, Juldyz-2 shaǵyn aýdanynda ornalasqan úılerde ystyq sý berý arakidik úzilip, jol qozǵalysy shekteledi», - delingen habarlamada.
2008 jyldan beri Almatyda 97,2 shaqyrym jylý qubyrlary jańǵyrtylǵan. Júrgizilgen jumystardyń nátıjesinde jylý qubyrlarynyń tozý kórsetkishi 10 paıyzǵa deıin tómendegen.
