Almatydaǵy Seıfýllın dańǵylynda kólik qozǵalysy toqtatyldy
ALMATY. QazAqparat - Almaty qalalyq mobıldilik basqarmasy Seıfýllın dańǵylynda kólik júrisi ýaqytsha shekteletinin málimdedi, dep habarlaıdy QazAqparat.
« Seıfýllın dańǵylynda jol jóndeý jumystarynyń júrgizilýine baılanysty 31 tamyz saǵat 23:00-den 1 qyrkúıek saǵat7:00 aralyǵynda Sátbaev kóshesinen Qurmanǵazy kóshesine deıingi bóliginde; 1 qyrkúıek saǵ. 23:00-den 2 qyrkúıek saǵat 07:00 aralyǵynda Qurmanǵazy kóshesinen Qabanbaı Batyr kóshesine deıingi bóliginde; sondaı-aq 2 qyrkúıek saǵat 23:00-den 3 qyrkúıek saǵat 07:00 aralyǵynda Qabanbaı batyr kóshesinen Bógenbaı batyr kóshesine deıingi bóliginde kólik júrisi tolyq shekteledi «, - dep jazdy vedomstvodan.
Atalǵan jumystar ortasha jol jóndeý jumystary aıasynda josparlanǵan.
Basqarma qala turǵyndary men qonaqtaryna jol júrý baǵyttaryn aldyn ala josparlap alýdy suraıdy.
