Almatydaǵy «Seniń kúniń, Donor!» qaıyrymdylyq aktsııasy kezinde 397 lıtr qan jınaldy
ALMATY. 24 mamyr. QazAqparat - Almatyda 16 sáýir men 19 mamyr aralyǵynda ótkizilgen «Seniń kúniń, Donor!» aktsııasyna 18 ben 60 jas aralyǵyndaǵy 827 almatylyq qatysty.
Barlyǵy 397 lıtr qan jınaldy. Bul sharany Respýblıkalyq qan quıý ortalyǵy men «Baýyrjan» qaıyrymdylyq qory birigip uıymdastyrǵan bolatyn.
«Osydan 20 jyl buryn Qazaqstanda 750 myń qan tapsyrýshy adam bolatyn. Qazir olardyń sany 4 ese az. Al, qan qoryna degen tapsyrys jyl saıyn artyp keledi», - deıdi «Baýyrjan» qaıyrymdylyq qorynyń prezıdenti Juldyz Omarbekova. Onyń aıtýynsha, donor retinde qaırymdylyq aktsııasyna qatysqandardyń barlyǵy arnaıy uıymdastyrylǵan belgili qazaq estrada juldyzdarynyń kontsertine shaqyryldy.
