Almatydaǵy semınarda ekologııa men Qazaqstannyń Qyzyl kitabyna engen janýarlardyń quryp ketý qaýpi talqylanýda

«Bizdiń halyq - «ekologııa» degen sózdi estimeı ósken urpaq. Keńestik dáýirde «Adamzat tabıǵattan rahym kútip otyra almaıdy, odan kerektini jeńip alýymyz kerek» degen uran boldy. Ókinishke qaraı, ǵylym men tehnıkanyń jetistikteri jaratylystyń tepe-teńdik zańdaryn buzdy. Ormandy alqaptar azaıyp, shóleıtti aımaqtar kóbeıdi. Janýarlar azaıyp ketti. Qazir bıologııalyq ártúrlilikti saqtap qalý máselesi jeke ǵalymdardyń ǵana emes, búkil adamzat balasynyń aınalysatyn máselesine aınalyp otyr. Búgingi semınar sonyń bir aıqyn kórinisi», - dedi óz sózinde «Ǵylym ordasy» RMK bas dırektory Roza Káribjanova.

«Ekologııa jáne Qazaqstannyń Qyzyl kitabyna engen janýarlary» atty taqyrypta ótip jatqan semınarda ekologııa men sırek kezdesetin jáne quryp ketý aldynda turǵan janýarlardy saqtap qalý máseleleri talqylanýda.

Semınarǵa jetekshi ǵalymdar, bıologııa ǵylymdarynyń doktorlary men kandıdattary, Almatydaǵy zoologııa ınstıtýtynyń ókilderi, mýzeı qyzmetkerleri qatysýda.