Almatydaǵy sel qaýpi: Qarǵaly ózeniniń qazirgi ahýaly belgili boldy
ALMATY. QazAqparat – Almaty qalalyq TJD Qarǵaly ózeniniń qazirgi ahýaly týraly málimet berdi, dep habarlaıdy QazAqparat tilshisi.
«Aýa temperatýrasynyń sońǵy eki aıda tómendemeýine baılanysty tańǵy saǵat 6:20-lar shamasynda Qarǵaly ózeni basseınindegi №1 kóldiń sýy bosatyldy. Sekýndyna 5 myń tekshe metr jyldamdyqpen shyǵarylǵanda kóldegi sý deńgeıi 5 metrge tómendedi. Aldyn ala esepter boıynsha 20 myń tekshe metr sý aǵyzylǵan», - dedi qalalyq TJD.
«Osyǵan baılanysty Naýryzbaı aýdany Qarǵaly shatqalynda turatyn halyq shuǵyl qulaqtandyryldy. Sonymen qatar, órt sóndirý bólimsheleri, jol patrýldik qyzmetkerleri daýys zoraıtqyshpen halyqty habarlandyrdy», - dedi TJD.
Naýryzbaı aýdanynda qaýipsiz jerge kóshirilgen adamdardy qabyldaý úshin evakýatsııalyq pýnktter retke keltirildi. Osy maqsatta Bostandyq aýdanynda mektep ǵımaraty ázirlendi.
Qarǵaly ózeniniń arnasynda gazben qamtý, elektr energııasymen qamtý núkteleri ajyratyldy.
Tótenshe jaǵdaılar boıynsha shuǵyl shtab quryldy. Sondaı-aq qala ákimi Baqytjan Saǵyntaev Naýryzbaı aýdanyndaǵy sel ornyna bardy.
