Almatydaǵy «Saıran», «Saıahat» avtovokzaldary ákimdik menshigine qaıtarylýda
ALMATY. QazAqparat - Almaty qalasynyń ákimi Baýyrjan Baıbek «Saıran» men «Saıahat» avtobeketterin memlekettik menshikke qaıtarý jumystary júrgizilip jatqanyn málim etti, dep habarlaıdy QazAqparat tilshisi.
«Almaty qalasynyń negizgi týrıstik qaqpasy sanalatyn - Almaty-1 jáne Almaty-2 stansylaryn qaıtardyq. 2021 jylǵa qaraı jolaýshylar áleýetin 4 esege arttyrý úshin temirjol stansylaryn qaıta qurý josparlanyp otyr. Sondaı-aq, biz «Saıran» men «Saıahat» avtobeketterin memlekettik menshikke qaıtarý úshin qajetti jumystar júrgizip jatyrmyz. Bul qala mańyndaǵy qozǵalysty jaqsartýǵa jáne halyqaralyq tasymaldaýdy damytýǵa múmkindik beredi», - dedi Baýyrjan Baıbek « Busworld » kórmesiniń ashylýynda.
Budan buryn da habarlaǵanymyzdaı, 1 shildeden bastap Almaty qalasyndaǵy temirjol beketteri qala menshigine ótedi.
Avtory: Alma Muqanova
