Almatydaǵy Saıran kólinde sýǵa bata jazdaǵan adamdar qutqaryldy
ALMATY. QazAqparat – Almatydaǵy «Saıran» kólinde sýǵa shomylýǵa kelip, batyp kete jazdaǵan azamattardy qutqarýshylar aman alyp qaldy. Mundaı jaǵdaı bir kúnde eki ret qaıtalandy, dep habarlaıdy QazAqparat.
Birinshi oqıǵa saǵat 18:24-te kóldiń batys jaǵynda boldy. Jas jigit sýǵa túsip júze bastaǵan, jaǵadan biraz jerge deıin júzip barǵan ol, sýǵa bata bastaǵan.
«Onyń janynda dostary bolǵan, olar ózderimen kelgen jigitiń sýǵa ketip bara jatqanyn baıqap qalyp, kómek suraǵan. Qutqarýshylar sol mańaıda qaıyqpen júzip júrgen, olar dereý qajetti jerge jetip, sý túbine ketken azamatty taýyp aldy. Ol jaǵaǵa shyǵarylǵanda es-tússiz jatty»,-dedi qutqarýshylar qyzmeti.
Qutqarýshy medıtsına mamandary oǵan birinshi kezekte qajetti kómek kórsetip, júrek-ókpe reanımatsııasyn jasap, jedel járdem kelgenshe aman alyp qaldy. Jaǵalaýda júrgizilgen raenımatsııa sátti ótip, qutqarylǵan jigit esin jıdy. Oqıǵa ornyna jetken «103» qyzmeti ony qalalyq statsıonarǵa jetkizdi.
Keshkisin alakóleńke túskende qutqarýshylar jaǵalaýdy sholyp júrip, kóldiń ońtústik bóliginen bir qımyldy baıqap qalady. Ol 4 adam mingen 2 adamdyq katamaran bolyp shyqty. Qutqarýshylar olarǵa eki qaıyqpen baryp, tún ishinde sýǵa túsýge bolmaıtyndyǵyn eskertpek bolǵan. Osy sátte katamaran aýdarylyp, eki jigit pen eki qyz sýǵa basta bastaǵan.
«109» qyzmetiniń ókilderi tórt adamdy da qutqaryp qaldy. Olar medıtsınalyq kómekti qajet etpedi. Alaıda olarǵa ózderiniń áreketteri úshin jaǵalaýda turǵan polıtsııa qyzmetkerlerine jaýap berý kerek bolady. Ekinshi oqıǵa keshki saǵat 21:05-te tirkeldi», dep túsindirdi vedomstvo ókilderi.
Almaty qalasynyń Qutqarý qyzmeti ókilderiniń jedel ári birlesken qımyldarynyń nitıjesinde kólde bolýy yqtımal qaıǵyly jaǵdaılardyń aldy alyndy. Qutqarýshylar óz qyzmetin «Saıran» kólinde kúndiz-túni júrgizýde. Olardyń quramynda 5 qutraýshy, 1 medıtsına qyzmetkeri jáne 3 motorly qaıyq bar.
