Almatydaǵy «Saıran» avtovokzalynyń ǵımaraty jóndeletin boldy
ALMATY. QazAqparat - Almaty ákimi Baýyrjan Baıbek qalany aralaý kezinde halyqaralyq «Saıran» avtokokzaly men oǵan tıisti aýmaqty, «Saıahat» avtobeketin kórip qaıtty. Ákim óz sózinde «Saırannyń» baıaǵyda-aq halyqaralyq talaptarǵa saı kelmeıtinin aıtty, dep habarlaıdy QazAqparat tilshisi.
Qala ákiminiń aıtýynsha, «Saıran» ǵımaraty kúrdeli jóndeýdi jáne menedjment modelin qaıta qaraýdy talap etedi.
Aıta keterligi, qalalyq servıs pen ınfraqurylymdy damytý maqsatynda Almatyda qabyldanǵan «Týrızmdi damytý boıynsha 100 qadam» jol kartasy boıynsha jumys jalǵasýda. Birneshe kún buryn ǵana Almaty-1 jáne Almaty-2 vokzaldarynyń qyzmet kórsetý sapasyn jaqsartý jáne olardy kúrdeli jóndeý boıyynsha «QTJ» UK» AQ-men birlesken jumys jospary qabyldanǵan. Búgingi tańda megapolıstiń avtobýs vokzaldary jańǵyrtýdy qajet etedi. Mysaly «Saırannyń» vokzal janyndaǵy aýmaǵy begili bir dárejede turǵyzylǵan, al atalmysh ǵımarattyń birinshi qabatynyń qaptamasy men qasbeti keńestik modernızm túrinde jasalǵan.
Іshki týrızmdi damytýdy esepke ala otyryp, Baýyrjan Baıbek vokzaldyń janyndaǵy aýmaqty tártipke keltirip, kún saıynǵy jolaýshylar aǵyny 1200 adamǵa jetetin avtovokzaldyń ǵımaratyna jóndeý júrgizýdi tapsyrdy. ıAǵnı, zańnamaǵa sáıkes atalǵan nysandy jergilikti mańyzdaǵy eskertkishter tizimine engizý kózdelip otyr. Aıta keterligi, buryn megapolıs basshylyǵy quny 20,2 mlrd teńgelik «Batys» avtovokzalynyń qurylysy boıynsha jobany keri qaıtarǵan bolatyn.
«Qaladaǵy kúrdeli jóndeý boıynsha ótken jyly bastalǵan jumystar aıasynda biz Almatyǵa tarıhı kelbetin qaıtaryp bergeli otyrmyz. Eń birinshi kezekte, ǵımaratty áý bastaǵy túr-sıpatyna qaıta keltirip, jolaýshylar aǵyny logıstıkasyn sarapshylardy shaqyra otyryp, qaıta qaraý kerek. Demek, tyń amaldar arqyly biz tarıhı ǵımaratty qalpyna keltirip jatyrmyz. Vokzal - qalanyń kóliktik habyna aınalýy tıis», - dedi Baýyrjan Baıbek.
Qazirgi ýaqytta avtovokzaldyń aýmaǵyndaǵy zańsyz qurylystardy demontajdaý jumystary bastalyp ketken. Bul jerde saýda kórkin qyzdyrǵan kásipkerlerge jeńildetilgen shart boıynsha saýda ortalyqtary men aýdan bazarlarynda oryn usynylatyn bolady.
Jumys barysynda Almaty ákimi qala shetindegi marshrýttarǵa qyzmet kórsetý boıynsha «Saıahat» avtobeketi men oǵan jatatyn aýmaqty tekserip shyqty. Jer telimderiniń ıeleri qysqa merzimniń ishinde aýmaqty abattandyrý boıynsha jumys bastap, ony damytýdyń naqty tapsyrmasyn tapsyrýǵa mindetteldi.
