Almatydaǵy «Saıran» avtovokzaly qalaı ózgeredi
ALMATY. QazAqparat - Áýezov aýdany ákimi Ánýar Óskenbaev «Saıran» halyqaralyq avtovokzalynyń aýmaǵy qalaı ózgeretinin aıtty, dep habarlaıdy QazAqparat tilshisi
«Saıran» avtovokzalyn jańǵyrtý jumystary júrgizilip, halyqaralyq standarttarǵa sáıkestendirý josparlanyp otyr. Biz ınvestorlarmen kelissózder júrgizýdemiz. Osy ýaqytqa deıin 120 qurylys nysanyn, bunyń ishinde 100 saýda ortalyǵy men 20 dámhanany qalpyna keltirdik», - dedi Óńirlik kommýnıkatsııalar qyzmetinde ótken brıfıngte Ánýar Óskenbaev.
Onyń aıtýynsha, ákimdik avtovokzal aýmaǵyn abattandyrý jumystaryn júrgizdi. Nysan qazir aıtarlyqtaı ózgerip, buryn dúńgirshekter men dámhanalar jaýyp turǵan qasbettik bóligi ashyldy.
«Bul jerde úsh tilde belgilik kórsetkishter, beınebaqylaý, fastfýd, Wi-fi aımaqtary, muz aıdyny, zamanaýı taksomotorly turaq jáne jańa bılet satý termınaldary ornatylady», - dep atap ótti ákim.
Sondaı-aq, vokzal mańy alańy, jaıaý júrginshiler joly keńeıtilip, týrıstik avtobýstarǵa arnalǵan turaq pen sýburqaqtar, jasyl aımaqtar paıda bolmaq.
Aıta keteıik, buǵan deıin «Saıran» avtovokzalynyń qaıta jóndeýden ótetinin aıtqan bolatynbyz.
