Almatydaǵy saılaý ýchaskeleri 2GIS jáne Yandex Maps servısterinde qoljetimdi
Qala turǵyndaryna yńǵaıly bolý úshin qosymshalar kartalarynda ózińiz daýys beretin ýchaskeniń ornalasqan jerin anyqtaý múmkindigi paıda boldy. Daýys berý ýchaskesin izdeýdiń negizgi sózderi: «Saılaý ýchaskeleri», «Referendým ýchaskesi», «Referendum precinct».
2GIS kartalarynda tirkelý mekenjaıyna silteme boıynsha óz ýchaskeńizdi anyqtaýdyń qosymsha múmkindigi bar. Ol úshin úıdiń kartasyn ashyp, «qyzmetter» bólimine ótý kerek.
Eske salsaq, Almaty turǵyndary úshin telefon arqyly biryńǵaı Call-ortalyq iske qosyldy: +7(727) 338 45 45, referendýmǵa qatysýǵa quqyǵy bar azamattardyń tiziminde ózińizdi tekserýge, sondaı-aq ýchaskeniń nómiri men mekejaıyn anyqtaı alasyz. Bul aqparatty open-almaty.kz saıtynnan jáne @ReferendumAlmaty2022Bot Telegram-bot arqyly alýǵa bolady. Ol úshin JSN nómirin engizý qajet.
Respýblıkalyq referendým 2022 jyly 5 maýsymda ótedi. Referendýmǵa «2022 jyly 6 mamyrda buqaralyq aqparat quraldarynda jarııalanǵan «Qazaqstan Respýblıkasynyń Konstıtýtsııasyna ózgerister men tolyqtyrýlar engizý týraly» Qazaqstan Respýblıkasy Zańynyń jobasynda baıandalǵan Qazaqstan Respýblıkasynyń Konstıtýtsııasyna ózgerister men tolyqtyrýlardy qabyldaısyz ba» suraǵy qoıyldy.
Tolyq aqparat Almaty ákimdiginiń saıtynda qoljetimdi.
