Almatydaǵy «Saıahat» avtostantsııasy mańynda jol baǵyty ózgeredi
ALMATY. QazAqparat - Almatyda Súıinbaı kóshesi men Raıymbek dańǵylynda jol qozǵalysynyń jańa kestesi engiziletin boldy, dep habarlaıdy QazAqparat tilshisi.
Aıta keterligi, bul qıylysqa jaqyn aımaqta bazar bar. Osyǵan baılanysty jolaýshy tasymaldaıtyn kólikter óte kóp keledi de ylǵı da keptelis bolyp jatady.
1 tamyzdan bastap jol qozǵalysy basqasha bolady.
Qalalyq jolaýshylar kóligi men avtomobıl joldary basqarmasynan habarlanǵandaı, Raıymbek kóshesimen shyǵysqa qaraı Qonaev kóshesimen qıylystaǵy baǵdarshamnan soń tek qoǵamdyq kólik qana ótetin bolady. Al jeńil jáne basqa kólikter Pýshkın kóshesinen Esenov kóshesine deıin tek tonnel arqyly ótedi.
Sondaı-aq, Súıinbaı kóshesimen kele jatyp Raıymbek dańǵylyna solǵa júrýge tyıym salyndy.
Raıymbek dańǵylymen shyǵysqa kele jatyp, Súıinbaı kóshesine túsýge bolmaıdy. Osynyń arqasynda atalǵan aımaqtaǵy jol qozǵalysyn jeńildetý kózdelgen.
