Almatydaǵy saýda úıleriniń birinde bolǵan órtten 40 adam qutqaryldy, olardyń arasynda 11 bala bar - QR TJM
ALMATY. 3 sáýir. QazAqparat - Almaty qalasyndaǵy «Lıýmır» saýda úıinde bolǵan órtten 40 adam qaýipsiz jerge kóshirildi, olardyń arasynda 11 bala bolǵan, dep habarlaıdy QR TJM baspasóz qyzmeti.
Dúısenbi, 2 sáýir kúni Almatynyń Saın jáne Shalypın kósheleriniń qıylysynda ornalasqan «Lıýmır» saýda úıiniń syrtqy qaptamasy órtene bastady. Órt aýmaǵy 50 sharshy metrdi qurady. Qaza tapqandar men zardap shekkender joq, dep naqtylaıdy qutqarýshylar.
Órtti sóndirýge QR TJM Almaty qalasy boıynsha TJD órt sóndirý qyzmeti jeke quramynyń 44 adamy men 17 tehnıka birligi jumyldyrylǵan.
