Almatydaǵy saýda, oıyn-saýyq ortalyǵynda balaǵa jarmasqan er adam ustaldy
ALMATY. QazAqparat - Almaty polıtsııasy oıyn-saýyq ortalyǵyndaǵy dárethanada kishkene qyz balalarǵa jarmasqan er adam ustalǵany jaıly málimdeme jasady, dep habarlaıdy QazAqparat tilshisi.
Keshe áleýmettik jelide MEGA Alma-ata saýda, oıyn-saýyq ortalyǵynyń dárethanasynda kishkentaı qyzdardy ańdyǵan er adam týraly habar tarady.
«Shynynda da eki kishkentaı qyzdyń artynan áıelder dárethanasyna er adam kirip ketken. Qyzdardyń biri qashyp shyǵyp, sheshesin kómekke shaqyrdy. Ol SOO kúzet qyzmetine habarlady. Kúzet kúdiktini ustap, quqyq qorǵaý organdaryna tapsyrdy», - delingen SOO-nyń Instagram paraqshasynda.
Sonymen qatar Almaty polıtsııa departamentiniń ókilderi kúdikti ýaqytsha ustaý ızolıatorynda qamaýda otyrǵanyn jetkizdi.
«Kámeletke tolmaǵan qyzǵa qatysty qylmys jasady degen kúdikti QR Qylmystyq protsestik kodeksiniń 128-babyna sáıkes ustalyp, Almaty qalasy polıtsııa departamentiniń ýaqytsha ustaý ızolıatoryna jiberildi», - dep málimdedi polıtsııa.
Kúdikti Aqtóbe oblysynyń 32 jastaǵy turǵyny bolyp shyqty. Ol buryn da kishkentaı balany azǵyrǵany úshin sottalǵan.
Qazirgi kezde kúdiktiniń áreketteri QR Qylmystyq kodeksiniń eki birdeı baby: 121-baptyń 4-bóligi jáne 124-baptyń 1-bóligi boıynsha tirkelgen.
Sotqa deıingi tergep-tekserý amaldaryn Bostandyq aýdanynyń polıtsııa basqarmasy júrgizýde.
Іs aıasynda tıisti saraptamalar belgilengen. Tergeýdiń barysyn Almaty polıtsııasynyń jáne qala prokýratýrasynyń basshylyqtary qadaǵalap otyr.
Avtory Danııar Dáýitálıev
