Almatydaǵy saýda oıyn-saýyq ortalyǵynan jarylǵysh zat tabylmady

ALMATY. QazAqparat - Almaty polıtsııasy saýda oıyn-saýyq ortalyǵynda jarylǵysh zattyń qoıylǵany týraly aqparattyń jalǵan bolyp shyqqanyn málim etti, dep habarlaıdy QazAqparat tilshisi.

«Forum» saýda ortalyǵyndaǵy tekseris 18:10-da aıaqtaldy. Aqparat jalǵan bolyp shyqty. Jalǵan habar bergen adam anyqtalyp jatyr, ol jaýapqa tartylady», - dep habarlady Almaty qalalyq polıtsııa departamentiniń baspasóz qyzmeti.Eske salaıyq, Almatyda saýda-oıyn-saýyq ortalyǵynyń qyzmetkerleri men kelýshileri jarylǵysh zat qoıylǵany týraly habarǵa baılanysty evakýatsııalandy. Qalalyq polıtsııa departamenti jarylǵysh qurylǵy qoıylǵany týraly habarlarǵa alǵashqy den qoıý sharalary sheńberinde tótenshe jáne jedel qyzmetteri Bostandyq aýdanyndaǵy «Forum» saýda ortalyǵynda tekseris júrgizilip jatqanyn habarlaǵan bolatyn.