Almatydaǵy saýda ortalyqtaryna 20 mln teńge aıyppul salyndy - ІІD

ALMATY. QazAqparat - Álsiz antıterrorıstik qorǵanys júıesi úshin Almaty qalasyndaǵy saýda ortalyqtarynyń basshylary 20 mıllıon teńge aıyppul tóleıdi, dep habarlaıdy «QazAqparat» HAA tilshisi Almaty qalalyq ІІD baspasóz qyzmetine silteme jasap.

Almatynyń ekstremızmge qarsy kúres basqarmasy men ІІD-niń Jergilikti polıtsııa qyzmeti qoǵamdyq tamaqtaný nysandary, saýda ortalyqtary, stadıondar , balabaqshalar, mektepter, kolledjder men ýnıversıtetter men ózge de nysandarǵa «Terrorızmge qarsy kúres» Zańy boıynsha tekseris júrgizgen.

Buǵan qosa halyq kóp jınalatyn nysandar eki topqa bólingen. Alǵashqysyna jalpy aýmaǵy 500-den 2000 sharshy metrge deıingi saýda nysandary, 100-den 500 oryndyqqa deıingi qoǵamdyq tamaqtaný nysandary, 200-den 1000 adamǵa deıin jınalatyn kontsert zaldary jáne oǵan qarasty aýmaqtar, sport jáne kóliktik nysandary (200 adamnan artyq), densaýlyq saqtaý uıymdary (200-den 2000 adamǵa deıin) men týrıster ornalasatyn oryndar (200-den 1000 adamǵa deıin keletin) engizilgen.

«Ekinshi topqa aýmaǵy 2000 sharshy metrden asatyn, halyq kóp keletin iri nysandar kirgizildi» - dep habarlaıdy Ekstremızmge qarsy kúres basqarmasy bastyǵynyń mindetin atqarýshy Máýlen Qasymjan.

Ol óz sózinde nysandardyń aldymen antıterrorıstik qorǵanysyna basa mańyz berilgenin atap ótti. Qajetti málimettiń bári de nysandardyń antıterrorıstik qorǵanysynyń tıptik qujatyna jazylyp turýy kerek. Talaptardy Úkimet ázirleıdi. Qazirgi tańda halyq kóp baratyn nysandardyń antıterrorıstik qorǵanysy júıesi, kúzet dabyly, jaryqtandyrylýy, beınebaqylaýdyń televızııalyq júıesin basqarý men baqylaý boıynsha talaptary kúsheıtilgen.

Buzýshylyqtar anyqtalǵan jaǵdaıda jeke jáne laýazymdy tulǵalarǵa 200 AEK, kásipkerliktiń shaǵyn sýbektisine nemese kommertsııalyq emes uıymdarǵa 300 AEK, orta kásipkerlik sýbektilerine 500 AEK, iri kásipkerlik sýbektilerine 1000 AEK mólsherinde aıyppul salý qarastyrylǵan.

Sonymen qatar, polıtsııa qyzmetkerleri saýda ortalyqtary men qoǵamdyq tamaqtaný nysandaryn jyldyń ekinshi toqsanynda da tekserý josparlanyp otyrǵanyn habarlaıdy. Quqyq qorǵaýshylar nysan basshylaryn, nysan boıynsha kúzet qyzmetin kórsetýge kelisken kúzet jumysy sýbektilerin antıterrorıstik qorǵanys júıesine basa mańyz berýge shaqyrady.