Almatydaǵy sapaly bilim berip otyrǵan №173 lıtseı jabylýdyń az-aq aldynda tur - C. Tursynov

QR Parlamenti Májilisiniń jalpy otyrysynda Densaýlyq saqtaý mınıstriniń jáne QR Joǵarǵy Soty tóraǵasynyń atyna saýal joldaǵan depýtat Saǵynbek Tursynov osy máselege qatysty alańdaýshylyq bildirdi.

«Meniń atyma Almaty qalasyndaǵy №173-lıtseı basshysynan hat keldi. Onda lıtseıde QR Densaýlyq saqtaý mınıstrligi Sanıtarlyq-epıdemıologııalyq qadaǵalaý komıtetiniń departamenti tekserý júrgizip, sonyń sheshimimen oqý ornyn jabý týraly másele kóterilgen. Sol sheshim negizinde lıtseı sotqa berilip, aýdandyq sot ta lıtseıdi jabý týraly sheshimdi quptap shyǵypty», - deıdi depýtat.

Onyń aıtýynsha, sondaǵy lıtseıge taǵylyp otyrǵan bar kiná - oqý ornynyń ár balaǵa shaqqandaǵy aýmaǵynyń standartqa saı kelmegendigine qatysty bolyp otyr. «Máselen, lıtseıde ár oqýshyǵa 2,3 sharshy metrden keledi eken. Al departament bunyń 2,5 sharshy metr bolýy tıistigin alǵa tartqan. Alaıda, Densaýlyq saqtaý mınıstriniń 2003 jylǵy buıryǵynda bunyń 2 sharshy metr bolýy qajettigi jazylǵan eken. Sonda bunyń qaısysy durys?», - dedi S. Tursynov.

Sonymen qatar depýtat lıtseıde búgingi kúni 2 myń 199 bala eki aýysym boıynsha bilim alatynyn, onda bilikti mamandar sabaq beretinin, bilim sapasy jaǵynan ozyq ekendigin aıtty. Máselen, lıtseı birneshe jyl boıy respýblıkadaǵy úzdik 100 mekteptiń qatarynda tur. Bilim sapasyna oraı Almaty qalasy boıynsha 2008-2009 jyly 3-i, 2010 jyly 2- orynǵa shyqqan. Kóptegen oqýshylar halyqaralyq olımpıada men ǵylymı jobalardyń jeńimpazy, «Altyn belgi» ıegeri. «Sapaly bilim berip otyrǵan lıtseı jabylýdyń aldynda tur. Shyntýaıtyna kelsek, elimizde mundaı oqýshylar tyǵyz ornalasqan, úsh aýysymmen oqytyp jatqan mektep jetkilikti. Solardyń bárin jaba bersek ne bolady?», - dedi depýtat.