Almatydaǵy «Samal-2» shaǵynaýdanynda úı salynbaıdy - ákimdik
ALMATY. QazAqparat – Almaty qalasynyń «Samal-2» shaǵyn aýdanynda 28 qabatty turǵyn úıdiń qurylysyna jol berilmeıdi, dep habarlaıdy QazAqparat tilshisi.
Áleýmettik jelide «Samal-2» shaǵyn aýdanynda kópqabatty úıdiń qurylysy týraly aqparat tarady.
Almaty qalalyq josparlaý jáne ýrbanıstıka basqarmasy bul aqparattyń shyndyqqa janaspaıtynyn málim etti.
«Dostyq dańǵyly, 91v meken-jaıyndaǵy ýchaske zańdy tulǵaǵa jeke menshik quqyǵymen tıesili. Jer ýchaskesiniń nysanaly maqsaty turǵyn emes úı-jaılardy paıdalaný jáne ol turǵyn úı kesheni qurylysyna ruqsat berý qujaty bolyp tabylmaıdy. Ýchaskeniń menshik ıesi jobalaý aldyndaǵy qujattamany alý úshin Qalalyq josparlaý jáne ýrbanıstıka basqarmasyna júgingen joq»,-dep habarlady basqarmadan.
