Almatydaǵy Saın kóshesiniń bir bóligi 3 kún túngi ýaqytta jabylady
NUR-SULTAN. QazAqparat – Almatydaǵy Saın kóshesiniń bir bóligi 7-10 qyrkúıek kúnderi túngi ýaqytta jabylady. Bul týraly Almaty qalalyq mobıldilik basqarmasy málim etti, dep habarlaıdy QazAqparat.
«Saın kóshesiniń batys bóliginde jol jóndeý jumystarynyń júrgizilýine baılanysty 7-10 qyrkúıek kúnderi saǵ 21:00 - 06:00 aralyǵynda, ıaǵnı túngi ýaqytta Ulyqbek kóshesinen Abaı dańǵylyna deıin kólik júrisi ýaqytsha ishinara shekteledi», - delingen basqarma habarlamasynda.
Atalǵan aýmaqta ortasha jol jóndeý jumystary júrgiziledi.
Basqarma keltirilgen qolaısyzdyqtar úshin keshirim suraı otyryp, júrgizýshilerden jol júrý baǵytyn aldyn ala josparlaýdy suraıdy.
