Almatydaǵy Saın kóshesin uzartý jumystary qashan aıaqtalady
ALMATY. QazAqparat- Bıyl Almatyda Saın kóshesin uzartý jumystary tolyq aıaqtalady. Bul týraly qala ákimi Erbolat Dosaev Alataý aýdany turǵyndarymen kezdesý barysynda málim etti, dep habarlaıdy QazAqparat tilshisi.
Qala basshysynyń aıtýynsha, byltyr Alataý aýdanynda birneshe kóshege jóndeý jumystary júrgizildi.
«2022 jyly Alataý aýdanynda 53 kóshedegi uzyndyǵy 42 km jolǵa ortasha jóndeý, sondaı-aq 35 kóshege jóndeý júrgizildi. Jyl sońyna deıin Alǵabas jáne Shańyraq-1 shaǵynaýdandarynda 40,5 km jańa joldyń qurylysy aıaqtalady. Sondaı-aq osy jyldyń III-toqsanynda Shapaǵat shaǵynaýdanynda sýmen jabdyqtaý jáne kanalızatsııa jelilerin salý aıaqtalǵannan keıin 4,8 km jańa joldyń qurylysy bastalady. 2023 jyly biz uzyndyǵy 38 km bolatyn 50 kóshege ortasha jóndeý júrgizýdi josparlap otyrmyz», – dedi Almaty ákimi Erbolat Dosaev.
Sondaı-aq ákim bıyl Saın kóshesin uzartý jumystary aıaqtalatynyn jetkizdi.
«Bıyl jeltoqsan aıynda Móńke bı kóshesinde kólik jolaıryǵyn salyp, Saın kóshesin uzartý jumystaryn aıaqtaý josparlanǵan, sonyń arqasynda qalanyń negizgi magıstraldyq kóshelerinde, ıaǵnı Rysqulov dańǵyly men Momyshuly kóshesinde, sondaı-aq aýdandyq mańyzy bar kóshelerde kólik legi aıtarlyqtaı azaıady», – dedi ol.
