Almatydaǵy Saın kóshesi úsh shaqyrymǵa uzartylady
ALMATY. QazAqparat - Almatydaǵy Saın kóshesin úsh shaqyrymǵa uzartý josparlanyp otyr. Bul týraly qalalyq máslıhattyń depýtaty Mıhaıl Grachev málim etti, dep habarlaıdy QazAqparat tilshisi.
Onyń aıtýynsha, Saın kóshesin Rysqulov dańǵyly men Aqyn Sara kóshesi aralyǵynda uzartpaq. Uzyndyǵy 3 shaqyrymnan asatyn jańa torap qalanyń soltústik batys bóligin ortalyqpen jalǵaıdy.
«Qazirgi ýaqytta Nazarbaev dańǵylyn Raıymbekten Jansúgirovke deıin uzartý jumystary júrgizilýde. Qarasha aıynda aıaqtalady dep kútilýde», - dedi Mıhaıl Grachev.
Sondaı-aq ol Nazarbaev dańǵylyn uzartý arqyly kólik júktemesin 20%-ǵa deıin tómendetýge bolatynyn atap ótti. Sonymen qatar, bul shahardyń iri joldaryndaǵy kólik aǵyny men keptelisterdi azaıtýǵa yqpal etedi.
