Almatydaǵy Rixos qonaqúıiniń bas dırektoryna aıyppul salyndy

ALMATY. QazAqparat – Almatydaǵy brıfıng kezinde qalanyń bas sanıtar dárigeri Jandarbek Bekshın BAQ ókilderiniń Rixos qonaqúıiniń basshylyǵyna nege aıyppul salynbady degen suraǵyna jaýap berdi, dep habarlaıdy QazAqparat tilshisi.

«Qonaqúıdiń bas dırektory demalysta boldy, sondyqtan oǵan hattama toltyra almadyq. Osy aptada demalystan oralǵan soń oǵan hattama jasaldy», - dedi Jandarbek Bekshın.

Onyń aıtýynsha, Rixos qonaqúıiniń bas dırektoryna 230 AEK (670 myń teńge) aıyppul salyndy.

Buǵan deıin, atalǵan qonaqúı ákimshiligine karantın talabyn buzyp shara uıymdastyrǵany úshin 30 AEK (87 510 teńge) aıyppul salynǵan bolatyn.