Almatydaǵy rekonstrýktsııa: qoǵam belsendilerin ne alańdatady
«Shilde-tamyz aılarynda kóshet otyrǵyzý, abattandyrý salasyndaǵy qoǵamdyq uıymdardan jumys toby quryldy. Qoǵamdyq keńes músheleri qala aýmaǵyn aralap, kóshpeli monıtorıng júrgizdik. Shara barysyndy óte kóp kemshilikterdi baıqadyq»,-dedi Almaty qoǵamdyq keńesiniń múshesi Jumagúl Tájibekova.
Onyń aıtýynsha, Abylaı han men Dostyq dańǵyldaryn jóndeý kezinde barlyq aryq bitelip qalǵan. Artynsha olardy tazalaý da oılastyrylmaǵan. Sondyqtan tez arada aryqty qoqystan tazartý kerektigin atap ótti.
«Rekonstrýktsııa jasalǵan barlyq jerde múlde norma saqtalmaǵan. Aǵash túbine qatysty ustanatyn erejeler bar. Іske tartylǵan bıologtar aǵash qýysyn jaýyp tastaǵannan ol aýrýǵa ushyrap nemese joıylýy múmkin ekenin eskertedi. Árıne, munyń bári qala ıgiligi úshin jasalǵan, biraq álgi aıtylǵan máseleler qalamyzdyń jasyl jelegine zııanyn tıgizedi. Eki jyldan keıin Abaı, Abylaı han, Dostyq kóshelerine otyrǵyzylǵan kóshetterden aıyrylyp qalý qaýpi bar. Qoǵam belsendileri bolyp, ákimdiktiń tolyq tekseris júrgizýin suraımyz»,-dedi ol. 
Ol sondaı-aq qoǵam belsendileri Almaty qalasyna erekshe mártebe berý týraly zańǵa engizý úshin ózgerister ázirlegenin jetkizdi.
«Almaty qalasyna qatysty nusqaýlyqtardy jergilikti atqarýshy organ bekitip otyrsa deımiz»,-dep sózin qorytyndylady Jumagúl Tájibekova.
Qoǵamdyq keńes tóraǵasy Rahman Alshanovtyń aıtýynsha, qala tym jedel abattandyrylýda. Eshqandaı kelissózsiz. Jumystar aıaq asty, asyǵys atqarylǵan. 
«Tóselgen plıtkalar endigi shashylyp jatyr. Nege asyǵys isteledi? Saldarynan máslıhatta bólingen bıýdjet jelge ushyp jatyr. Jóndeý úshin qaıtadan aqsha kerek. Aǵash sýarýǵa qatysty taǵy sol másele. Almatyda turyp, biz qashan aǵash ósirýdi úırenemiz?»,-dedi ol.
