Almatydaǵy órtten jeti adam qutqaryldy
ALMATY. QazAqparat - Almatydaǵy páterde shyqqan órt kezinde jeti adam qutqaryldy, dep habarlaıdy qalalyq TJD resmı ókili Sandýǵash Baımuhambetova.
«27 qyrkúıekte saǵat 10:19-da Almaty qalalyq TJD «101» pýltine Bostandyq aýdany, Kablýkova kóshesindegi 129/8 úıdiń №5 páterinde órt shyqqany týraly qońyraý shalynǵan. Órt sóndirýshilerdiń birinshi kóligi oqıǵa ornyna 10:28-de kelip jetti. Bes qabatty turǵyn úıdiń 2 qabatynda aýdany 70 sharshy metrlik páter órtke oranǵan. Jalyn 10:51-de tolyǵymen sóndirildi. Osy kezde órtten 15 adam evakýtsııalandy, 7 adam qutqaryldy, onyń bireýi bala», - delingen habarlamada.
