Almatydaǵy ortalyq saıabaqty sýarý júıesin avtomattandyrýǵa 270 mln. teńge jumsalady
ALMATY. QazAqparat - Almatydaǵy ortalyq saıabaqty sýarý júıesin avtomattandyrýǵa 270 mln teńge jumsalady. Bul týraly búgin qalalyq Tabıǵı resýrstar jáne tabıǵatty paıdalaný basqarmasynyń basshysy Aıdyn Rahymbetov baspasóz týry barysynda málim etti.
«Qazir kólemi 46 ga aýmaqty alyp jatqan jasyl-jelekti sýarý óte qıyn. Sondyqtan, avtomattandyrylǵan júıe engizilýde. Qazir atalǵan baǵytta saıabaq basshylyǵy jobalyq-smetalyq qujattama ázirleýde. Quny 270 mln. teńge bolatyn joba 2015 jyly júzege asatyn bolady», - dedi A.Rahymbetov.
Almaty qalasy Tabıǵı resýstar jáne tabıǵatty paıdalaný basqarmasy basshysynyń orynbasary Orazalın Erkebulannyń aıtýynsha, jekemenshikten kommýnaldyq menshikke ótkeli beri saıabaqtyń kireberis aýmaǵy túgel jóndeýden ótkizildi.
«Atap aıtqanda, 1300 sharshy metr tósendi gúlzar, 1400 jazdyq gúlzar, 1500 aǵash otyrǵyzyldy. 900 sharshy metr asfaltti tóseme aýystyryldy. 400-ge jýyq qýraǵan aǵash otalyp, sonshalyqty kólemde jas shybyqtar otyrǵyzyldy. 350-ge tarta oryndyq pen 150 qoqyssalǵysh ornatyldy. Saıabaqty qaıta jańǵyrtyp, tazalyǵyn qalyptastyrýǵa 150 mln. teńge qarjy jumsaldy», - dedi E.Orazalın.
Sonymen qatar, kelýshilerge yńǵaıly bolý úshin 250 oryndyq avtoturaq salynýda. Jańa turaq saıabaq ishinde avtokóliktiń júrýin shekteýge arnalǵan.
«Kelesi jyldan bastap saıabaq ishinde kólik júrýine tyıym salynady. Osy jobaǵa 100 mln. teńge kóleminde qarjy qarastyrylǵan», - dep qorytyndylady E.Orazalın.
