Almatydaǵy Ortalyq murajaıda «XX ǵ. - sýretshiler týyndylaryndaǵy dástúrli qazaq mádenıeti» atty kórme ashyldy

Ol Naýryz merekesine oraılastyryla uıymdastyrylyp otyr.

«Memlekettik ortalyq murajaıdyń «Beıneleý óneri» qorynda halqymyzdyń tarıhyn, salt-dástúri men ádet-ǵurpyn, materıaldyq mádenıetin beıneleıtin 3500-den astam kórkemsýret týyndylary men keskindemeleri saqtaýly. Murajaı toptamasynda etnografııalyq málimet kózi bolyp tabylatyn kórkemóner týyndylarynyń mol shoǵyry toptasqan. Kórmege toptamadaǵy eń biregeıleri ǵana iriktelip alyndy. Qazirgi tańda atalmysh qorda kórnekti qylqalam sheberleri N.G.Hlýdovtyń jumystarynan bastap, Á.Qasteev, F.I.Bolkoev, B.I.Ýrmanche, V.V.Kapterev, Q.T.Teljanov, M.G.Qalymov, M.S.Kenbaev, S.Aıtbaev, Ý.Ájıev, O.Nurjumaev jáne t.b. kóptegen qylqalam sheberleriniń jumystary qordyń kollektsııasynyń qalyptasýynyń ózegin qurady. Kórmege osy joǵaryda atalǵan qylqalam sheberleriniń dástúrli mádenıet taqyrybyndaǵy eńbekteri qoıylǵan» - deıdi QR Memlekettik Ortalyq murajaıy dırektorynyń birinshi orynbasary Beıbitqalı Qaqabaev.

Kórmeniń basty maqsaty - QR Memlekettik ortalyq murajaıynyń «Beıneleý óneri» qorynyń negizinde tuńǵysh ret aýqymdy túrde etnografııalyq sıýjetke baı, tarıhı tanymdyq taǵylymy aıryqsha kórkemóner týyndylaryn kórsetý.

Osyǵan oraı, buryn kórermen nazaryna usynylmaǵan tyń kórkemóner týyndylaryn, sonyń ishinde kenep maıly boıaý, beıneleý óneriniń 60-qa jýyq saqtam birlikteri kópshilik qaýymǵa kórme arqyly usynyldy.

Kórmege qoıylǵan kórkemóner týyndylary arqyly kópshilik qaýym halqymyzdyń mádenıetimen, ádet-ǵurpymen jáne turmysymen etene jaqyn tanysýǵa múmkindik aldy.

Kórme 25 naýryzdan 5 sáýirge deıin jalǵasady.