Almatydaǵy ortalyq memlekettik muraǵat M.Shoqaıdyń tyń qujattarymen tolyqty
; ALMATY. Shildeniń 8-i. QazAqparat /Ádilet Musahaev/ - Búgin Almatyda barsha túrki halqyna tanymal, qazaq eliniń belgili qoǵam qaıratkeri Mustafa Shoqaıdyń Túrkııa jerinde tabylǵan qujattaryn QR Ortalyq memlekettik muraǵatyna tapsyrý rásimi boldy,
dep habarlaıdy QazAqparat.
20-ǵasyrdyń alǵashqy jartysyndaǵy saıası oqıǵalarǵa baılanysty shetelge ketýge májbúr bolǵan túrki halyqtaryna ortaq iri saıası qaıratkerdiń shyǵarmashylyq murasy emıgratsııada bolǵan elderinde Frantsııa, Germanııa, Grýzııa, Ázirbaıjan, Túrkııa jáne taǵy basqa elderde qalsa, bir bóligi joıylyp ketken. M.Shoqaıdyń kópke belgisiz jeke qoljazablarynyń bir bóligin jaqynda «TÚRKSOI» halyqaralyq uıymy Túrkııa elinen tapqan. Qujattardy kóptegen jyl boıy saqtap kelgen Túrkııa eliniń azamaty qoljazbalardy tek senimdi qolǵa tapsyrýdy uıǵarypty.
«TÚRKSOI» halyqaralyq uıymynyń Bas hatshysy Dúısen Qaseıinov bıyl jeltoqsan aıynyń sońynda túrki halyqtarynyń iri kósemderiniń biri, emıgratsııada júrip ult bolashaǵy úshin kommýnıstik júıemen kúresken uly tulǵa Mustafa Shoqaıdyń týǵanyna 120 jyl tolatyndyǵyn jáne búgingi sharany qazaqtyń haharman qaıratkeriniń mereıtoıyna arnaıtyndyǵyn aıtyp ótti.
Birneshe aı buryn meniń qabyldaýymda Dúnıejúzilik qyrym tatarlary ulttyq qozǵalysy uıymynyń Túrkııadaǵy ókili Muzaffer Akchora esimdi azamat kelip, qolynda M.Shoqaıdyń qujattary bar ekenin habarlady. Kezinde bul murany amanat etip ketken adamdardyń ósıetine sáıkes, qoljazbalardyń tek senimdi qolǵa tapsyrylý kerek ekenin aıtyp, sońǵy kezde túrki mádenıetin damytyp, olardyń birligin nyǵaıtýǵa qatysty iri jobalardy iske asyrǵan «TÚRKSOI» halyqaralyq uıymynyń basqarýshysy, ári qazaq azamaty retinde maǵan senim artatynyn bildirdi. Men qoljazbalardy saraptamadan ótkizgen soń asa qundy murany QR Ortalyq memlekettik muraǵatyna tapsyrýdy usyndym», deıdi D. Qaseıinov.
