Almatydaǵy ortalyq kóshelerdiń qıylysynda avtomobıl baǵdarshamdy qıratyp ketti
ASTANA. QazAqparat - Almatydaǵy kólik aǵylyp jatqan Abaı dańǵyly men Naýryzbaı batyr kósheleriniń qıylysynda júrgizýshiniń kinásinen baǵdarsham isten shyqty, dep habarlaıdy patrul.kz.
Oqıǵany kórgenderdiń aıtýynsha, Lexus Abaı dańǵylymen batys jaqqa qaraı asa úlken jyldamdyqpen kele jatqan. Naýryzbaı batyr kóshesimen qıylysqa jete bere júrgizýshi rýlge ıe bola almaı, mashına baǵdarshamnyń tiregin soqqan.
Kólik 30 metrdeı júrip baryp qalalyq mekemelerdiń biriniń qorshaýyn súze toqtaǵan.
Avtomobıldiń ishinde bolǵan jolaýshylardyń biriniń aıtýyna qaraǵanda, keleńsiz oqıǵa ózge bir mashınanyń kesirinen oryn alǵan. Alda kele jatqan Suzuki oń jaq qatarǵa shuǵyl burylyp, apattyq jaǵdaı týǵyzǵan kórinedi.
