Almatydaǵy Ortalyq qalalyq klınıkalyq aýrýhananyń jumysy toqtady
ALMATY. QazAqparat – Almatydaǵy Ortalyq qalalyq klınıkalyq aýrýhanadaǵy naýqastardy basqa medıtsına mekemelerine aýystyryp jatyr. Bul týraly Almaty qalasynyń bas memlekettik sanıtar dárigeri Jandarbek Bekshın aıtty, dep habarlaıdy QazAqparat tilshisi.
«Keshe men karantınge jabylǵan Ortalyq qalalyq klınıkalyq aýrýhananyń jumysyn toqtatý týraly qaýly shyǵardym. Qazir medqyzmetkerler men naýqastar basqa aýrýhanaǵa aýystyrylyp jatyr»,– dedi Jandarbek Bekshın.
Sondaı-aq, ol QR UQK Shekara qyzmeti akademııasynyń da karantınge jabylǵanyn aıtty. Onda 67 kýrsanttan koronavırýs ınfektsııasy tabylǵan.
