Almatydaǵy órt: turǵyndar 20 qyrkúıekte úılerine oralady, oǵan deıin ýaqytsha baspanamen qamtylady

ALMATY. QazAqparat – Qala ákimi Erbolat Dosaevtyń tapsyrmasy boıynsha «Aqkent» turǵyn úı keshenin salǵan kompanııamen kelissóz júrgizildi, dep habarlaıdy QazAqparat ákimdiktiń baspasóz qyzmetine silteme jasap.

Kelissóz qorytyndysy boıynsha mynadaı sheshimder qabyldandy:

- 2 qyrkúıekke deıin «Aqkent» TK páterlerinde elektrmen jabdyqtaýdy qalpyna keltirý;

- qurylys salýshynyń qarjysy esebinen kireberis alańdaryna jóndeý júrgizý;

- qurylys salýshynyń qarjysy esebinen esikter men terezelerdi aýystyrýǵa, qutqarý operatsııasy barysynda tartylǵan balkondardy jóndeýge jumsalatyn shyǵyndardy óteý;

- páterlerde árleý jumystaryn júrgizý (qabyrǵalardy, tóbelerdi boıaý), al jóndeýden keıingi jumystardy turǵyndar ózderi júrgizedi;

- barlyq jumystardy aıaqtap, turǵyndarǵa páterlerge 20 qyrkúıekten keshiktirmeı kirýge ruqsat berý;

- páterlerdi qalpyna keltirý jumystary kezeńinde turǵyndarǵa ýaqytsha turý boıynsha shyǵystardy óteýge nemese TJ jelisi boıynsha sharalar aıasynda turǵyn úı berý.

Qalanyń qoǵamdyq densaýlyq saqtaý basqarmasy zardap shekkenderge densaýlyqty qalpyna keltirý boıynsha, onyń ishinde tegin medıtsınalyq kómektiń kepildik berilgen kólemi jáne mindetti medıtsınalyq saqtandyrý júıesi (mamandandyrylǵan emdeý, emdeýge jatqyzý) sheńberinde medıtsınalyq kómek kórsetedi.

Eske salsaq, 1 tamyzda Almatydaǵy «Aqkent» 16 qabatty turǵyn úı kesheninde órt shyǵyp, 49 adam zardap shekti. Bir áıel qaıtys boldy.