Almatydaǵy órt: Toıota Kamrı túgi qalmaı janyp ketti
ALMATY. QazAqparat - Almatyda tekhnıkalyq qyzmet kórsetý ortalyǵy órtke orandy.
Qalalyq TJD resmı ókili Sandýǵash Baımuhambetovanyń aıtýynsha, 15:51-de Naýryzbaı aýdanyndaǵy Raıymbek dańǵylynda ornalasqan TQO órtenip jatqany jaıly habarlama túsken.
Órt sóndirýshiler ǵımarattyń shatyry janyp jatqanda jetken.
Іshindegi Toıota Kamrı kóligi túgel órtenip ketti. Tilsiz jaý 16:21-de aýyzdyqtaldy. Qyzyl jalyn 490 sharshy metr aýmaqty sharpydy.
Mamandar órttiń neden tutanǵanyn anyqtap jatyr. Tótenshe jaǵdaıdan eshkim japa shekken joq.
