Almatydaǵy órt tikushaqpen sóndirilýde
ALMATY. QazAqparat – Almatydaǵy qoıma órtin sóndirýge 67 órt sóndirýshi, 27 tehnıka jáne órt sóndirý qurylǵysy bar tikushaq jumyldyryldy, dep habarlaıdy QazAqparat tilshisi.
«Órtpen kúreske Almaty qalasynyń 67 qyzmetkeri men 27 birlik órt sóndirý tehnıkasy, órt sóndirý qurylǵysy bar tikushaq qosylǵan. Qazirgi ýaqytta 7 ret sý búrkildi», - deıdi Almaty qalasynyń TJD resmı ókili Sandýǵash Baımuhambetova.
Esterińizge sala keteıik, qoıma órtin sóndirýge Jetisýda 15 órt sóndirý tehnıkasy men 43 órt sóndirý qyzmetiniń qyzmetkerleri tartyldy.
Sondaı-aq órtti sóndirý úshin tikushaq tóbege kóterildi. Aldyn-ala málimet boıynsha, qoımada 200 tonna boıaý jáne lak ónimderi bar.
