Almatydaǵy órt oqıǵasy: Er adam temeki shegip jatyp uıyqtap ketken
ALMATY. QazAqparat - Almatynyń Áýezov aýdanynda, Súleımenov kóshesindegi 24-A úı mekenjaıynda ornalasqan «Mır» turǵyn úı kesheniniń 11-qabatynda bolǵan órtten eki adam zardap shekti, dep habarlaıdy «QazAqparat» HAA tilshisi.
Aldyn ala málimetterge qaraǵanda, úıdiń masaıǵan qojasy temeki tartyp otyryp, uıqyǵa ketken. Áıeli tútinniń ısin sezip, órt sóndirýshilerdi shaqyrady. Kóppáterli úıdiń turǵyndaryn shuǵyl túrde qaýipsiz jerge kóshirgen olar órtti alapat jalynǵa aınalmaı jatyp sóndirdi. Iis gazyna tunshyqqan úı ıelerin jedel járdem aýrýhanaǵa alyp ketti.
Tilsiz jaý sol arada 5 sharshy metrdi sharpyp úlgergen.
