Almatydaǵy órt: Merdiger kompanııa jaýapqa tartylatyn boldy
ALMATY. QazAqparat - Almatyda Nazarbaev kóshesindegi úıdiń shatyry qurylys jumystarynyń órt qaýipsizdigi saqtalmaǵandyqtan tutanǵan. Bul týraly qalalyq Tótenshe jaǵdaılar departamentiniń resmı ókili Sandýǵash Baımuhambetova málimdedi, dep habarlaıdy QazAqparat tilshisi.
«Nazarbaev 43» mekenjaıyndaǵy 5 qabatty úıdiń shatyry órtenip jatqany týraly habarlama 11:58-de túsken.
Órt sóndirýshiler oqıǵa ornyna 6 mınýtta jetti.
5 qabatty úıdiń shatyrynda jınalǵan bıtým órtengen.
Tilsiz jaý 10 sharshy metr aýmaqty sharpydy. Órt 12:31 sóndirildi.
Tótenshe jaǵdaıdan eshkim japa shekken joq. Órt sóndirýshiler 30 adamdy, onyń ishindje 4 balany qaýipsiz jerge kóshirdi.
Mamandardyń aıtýynsha, órt bıtýmdy ashyq otta qyzdyrýdan shyqqan.
«Qurylys jumystary kezinde bıtým ashyq otpen qyzdyrylǵan. Bul órt qaýipsizdigin óreskel buzý dep sanalady. Merdiger kompanııa ákimshilik jaýapkershilikke tartylady», - dedi qalalyq TJD resmı ókili Sandýǵash Baımuhambetova.
