Almatydaǵy órt: Er adamnyń betin, aıaq-qolyn kúıik shalǵan
ALMATY. QazAqparat - Almatyda dárigerler órtten japa shekken adamdardyń hal-jaǵdaıy týraly aıtyp berdi, dep habarlaıdy QazAqparat tilshisi.
Qalalyq Densaýlyq saqtaý basqarmasynyń baspasóz qyzmeti habarlaǵandaı, tilsiz jaýdyń kesirinen 2 adam japa shekken.
«Olardyń birine medıtsına mamandary qajetti kómek kórsetip, birneshe nusqaýlar berip, ambýlatorııalyq emdeýge úıine jiberdi. Ekinshi er adam №4 aýrýhanaǵa jetkizildi.
Ol «bet, qol, aıaq terileriniń kúıigi» dıagnozymen aýrýhananyń kúıik jaraqaty bólimine jatqyzyldy», - dedi baspasóz qyzmetinen.
Aıta ketý kerek, búgin 10:51-de Maqataev pen Sháripov kósheleriniń qıylysyndaǵy shaǵyn dúkenniń shatyry otqa oranǵan bolatyn.
Órt sóndirýshiler oqıǵa ornynan 4 gaz ballonyn syrtqa shyǵaryp úlgerdi.
Tilsiz jaý 30 sharshy metr aýmaqty sharpydy. Órtten 2 adam japa shekti.
